AMEA-da Cümhuriyyət tarixinə dair dəyərli elmi-tədqiqat işləri aparılır
Tarix: 20.11.2018 | Saat: 16:58:00 | E-mail | Çapa göndər


Noyabrın 20-də Azərbaycan Milli Elmlər Akademiyasında (AMEA) Humanitar Elmlər Bölməsinin təşkilatçılığı ilə Azərbaycan Xalq Cümhuriyyətinin (AXC) yaradılmasının 100 illiyinə həsr olunan elmi sessiya keçirilib.
AZƏRTAC xəbər verir ki, sessiyada Prezident İlham Əliyevin “Azərbaycan Xalq Cümhuriyyətinin 100 illik yubileyinin keçirilməsi haqqında” 2017-ci il 16 may tarixli Sərəncamını xatırladan AMEA-nın vitse-prezidenti, akademik İsa Həbibbəyli bununla bağlı ölkəmizdə və akademiyada silsilə yubiley tədbirlərinin keçirildiyini söyləyib. Ölkəmizdə 2018-ci ilin “Azərbaycan Xalq Cümhuriyyəti İli” elan olunmasının Cümhuriyyət tarixinin öyrənilməsi baxımından əhəmiyyəti vurğulanıb. Bildirilib ki, AXC yalnız Azərbaycanın deyil, türk dünyasının, müsəlman aləminin və bütövlükdə Şərq tarixinin ən parlaq səhifələrindən biridir.
Akademik qeyd edib ki, ümummilli lider Heydər Əliyev ölkəmizdə yenidən siyasi hakimiyyətə qayıtdıqdan sonra AXC-nin tarixinin araşdırılmasına xüsusi diqqət yetirib. Alim Ulu Öndərin bu siyasətini uğurla davam etdirən Prezident İlham Əliyevin müvafiq sərəncamlarının AXC-yə dövlət tərəfindən verilən yüksək qiymətin göstəricisi olduğunu və elmi ictimaiyyətin qarşısında mühüm vəzifələr qoyduğunu bildirib. Natiq AXC-nin 100 illiyinin qeyd olunmasının ölkəmizdə azərbaycançılıq təfəkkürünün möhkəmlənməsinə və zənginləşdirilməsinə xidmət göstərdiyini vurğulayıb. Bildirib ki, cəmi 23 ay mövcud olmuş AXC zəngin dövlət quruculuğu təcrübəsi ilə milli dövlətçilik tarixində silinməz izlər qoyub, xalqımızın qəlbində azadlıq və istiqlal duyğularını gücləndirməklə respublikanın gələcək müstəqilliyi üçün etibarlı zəmin hazırlayıb.
İ.Həbibbəyli AXC dövründə baş verən proseslərdən, elm, təhsil, mədəniyyət və digər sahələrdə həyata keçirilən islahatlardan və quruculuq işlərindən danışıb. Diqqətə çatdırılıb ki, AXC tarixinin daha dərindən öyrənilməsi istiqamətində AMEA-nın müxtəlif institutlarında dəyərli tədqiqat və maarifləndirmə işləri aparılır, kompleks layihələr həyata keçirilir və bu istiqamətdə işlər gələcəkdə də davam etdiriləcək.
Humanitar Elmlər Bölməsinin akademik-katibi, akademik Teymur Kərimli Prezident İlham Əliyevin AXC ilə bağlı imzaladığı müvafiq sərəncamlarını tariximizə, milli-mənəvi irsimizə böyük qayğının təzahürü kimi dəyərləndirib. Akademik bildirib ki, Cümhuriyyət dövründə ölkədə teatr və kitabxanalar yaradılıb, ana dilində mətbuat orqanları açılıb, milli kadrların hazırlanmasına xüsusi diqqət yetirilib. AXC-nin müstəqillik, azadlıq ideyalarının, demokratik dəyərlərin, azərbaycançılıq məfkurəsinin təbliği hər zaman incəsənət xadimlərinin yaradıcılığında özünəməxsus yer tutub.
Elmi sessiyada Nizami Gəncəvi adına Milli Azərbaycan Ədəbiyyatı Muzeyinin əməkdaşı, filologiya elmləri doktoru Şəfəq Əlibəyli “Cümhuriyyət dövründə Azərbaycanın maarifçi qadınları”, Folklor İnstitutunun əməkdaşı, filologiya üzrə fəlsəfə doktoru, dosent Ağaverdi Xəlilov “Azərbaycan Cümhuriyyətinin istiqlal konsepti”, Nizami Gəncəvi adına Ədəbiyyat İnstitutunun əməkdaşı, filologiya üzrə fəlsəfə doktoru, dosent Səfura Quliyeva “İstiqlalımızın 100 ili poeziyada”, Memarlıq və İncəsənət İnstitutunun əməkdaşı, memarlıq üzrə fəlsəfə doktoru, dosent Rahibə Əliyeva “Cümhuriyyətin baş memarı Zivərbəy Əhmədbəyov” mövzularında məruzələrlə çıxış ediblər.




 
Bölməyə aid digər xəbərlər
20.07.2019
Universiadada ən yüksək nəticə göstərən idmançılar mükafatlandırılıb
20.07.2019
Artıq sarı zolaqlar qüvvədə - Bu yollarda diqqətli olun!
20.07.2019
Gürcüstan hökuməti Azərbaycan şirkətləri ilə əməkdaşlığa hazırlaşır
19.07.2019
Şəki və Oğuzda tikmə sənətinə maraq göstərən xanımlara ustad dərsləri verilib
19.07.2019
Jurnalistlər üçün Apifioterapiya mərkəzində pulsuz müayinə

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10835

1 “4-cü qrupa hazırlaşan hər bir abituriyentin arzusu həkim olmaqdır”
2 Pirdovus Abakarova: “İmtahan suallarının asan və ya çətin olması abituriyentin hazırlıq səviyyəsindən asılıdır”
3 ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
4 Dünya brendi olmağı hədəfləyən azərbaycanlı gənc
5 “Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info