Moldova prezident idarəçiliyinə qayıtmaq istəyir
Tarix: 20.11.2018 | Saat: 19:10:00 | E-mail | Çapa göndər


Parlament üzvü Fedor Qaqauz: “Prezidentin səlahiyyətlərinin artırılması və ona verdiyi vədləri yerinə yetirməsinə imkan yaradılması normal haldır. Mitinqlərə gələnlər faktiki olaraq idarəçiliyin dəyişməsinin istəyirlər”


Kişinyovda keçirilən çoxminli mitinqlərə qatılanlar prezident seçdikləri İqor Dodonun səlahiyyətinin artırılmasını tələb edirlər. Mitinq iştirakçıları hesab edirlər ki, Moldova parlament respublikasından prezident respublikasına çevrilməli və dövlət başçısının səlahiyyətləri artırılmalıdır. Ancaq bu halda İqor Dodon xalqa verdiyi vədlərini yerinə yetirə bilər. Dodonun əsas vədləri sırasında ölkənin Rusiya ilə strateji müttəfiqliyinin bərpa edilməsi, Avrasiya İqtisadi İttifaqına inteqrasiya kimi məsələlər var. Moldova parlamentinin üzvü olan Fedor Qaqauz “Nezavisimaya qazeta”ya açıqlamasında deyib ki, sosialistlər ölkənin idarəçilik sistemini dəyişməkdə qərarlıdırlar. Faktiki olaraq Moldovada parlament seçkilərinə start verilib. Sosialistlər partiyası mitinqlərə start verərək seçkilərə ciddi hazırlaşdıqlarının mesajını veriblər. Həmin mitinqlərdə proqram xarakterli qətnamə də qəbul edilib. Dodonun rəhbərlik etdiyi sosialistlər bütün sahələrdə Rusiya ilə strateji münasibətlərin bərpa edilməsinin əsas hədəfləri sırasına daxil ediblər. Partiya hesab edir ki, ölkə neytrallığını qorumalı və bununla da NATO-ya üzvlük ideyasından vaz keçməlidir. Partiyanın əsas istəklərindən biri də ölkənin 2000-ci ilə qədər olan kimi - prezident respublikasına qaytarmaqdır. Xatırladaq ki, İqor Dodon parlamentdə deyil, ümumxalq səsverməsində dövlət başçısı seçilib. Amma sonradan parlament idarəçiliyinə keçildiyindən onun səlahiyyətləri xeyli azaldı. Bu isə ona seçki zamanı verdiyi vədləri yerinə yetirməyə imkan vermir. Bundan başqa, Konstitusiya Məhkəməsi kritik zamanlarda Dodonu prezident səlahiyyətlərindən məhrum edərək onun əvəzinə parlament spikerinin qərar qəbul etməsini təmin edir. Moldovada keçirilən sorğuların nəticələri göstərir ki, xalq tərəfindən dəstəklənən və yüksək reytinqi olan Dodon yox, təxminən 7 faiz civarında dəstəyi olan hökumət əsas söz sahibidir. Moldova parlamentinin üzvü Fedor Qaqauz hesab edir ki, prezidentin səlahiyyətlərinin artırılması və ona verdiyi vədləri yerinə yetirməsinə imkan yaradılması normal haldır: “Mitinqlərə gələnlər faktiki olaraq idarəçiliyin dəyişməsinin istəyir. Prezident, qətnamədə qeyd edildiyi kimi, icra hakimiyyətini və hökuməti formalaşdırmalıdır. İqor Dodonun həll edəcəyi əsas məsələlərdən biri də ölkənin birləşdirilməsidir və prezident bununla ciddi şəkildə məşğuldur”. Sosialistlərin mitinqlərində qəbul edilən qətnamədə qeyd edilir ki, Dnestryanı məsələsinin həllinə bölgə rəhbərliyinin və xarici təminatçıların yardımı ilə nail olunacaq. Eyni zamanda ölkənin Rumıniya ilə birləşməsinin tərəfdarlarının fəaliyyətinin qadağan olunacağı da qətnamədə əksini tapıb. Mənbə göstərilməsə də, qətnamədə maaşların, pensiyaların artırılması, səhiyyənin pulsuz olması ilə bağlı vədlər də yer alıb. Politoloq Arkadiy Barbarişie hesab edir ki, sosialistlər parlamentə çoxlu yer qazana biləcəklər. Amma onların parlament çoxluğuna nail olunacağı inandırıcı deyil: “Digər sahədə milyonçu-mer İlan Şor var. O, rəhbərlik etdiyi Orqeev şəhərinlə qayda-qanun yaradıb, pulsuz yeməkxanalar, sosial dükanlar açıb. O, sosial proqramını digər regionlarda da yayaraq xeyli səs qazana bilər. Demokratlar Partiyasının lideri, milyarder Vladimir Plaxotnyuk həm hökumətə, həm də parlamentə nəzarət edir. Avropa İttifaqı onu tənqid etsə də ABŞ tərəfindən dəstəklənir”. Ekspert hesab edir ki, milyarderin Dodon üzərində də təsiri var. Amma Dodon bu informasiyanı təkzib edir. Politoloq Arkadiy Barbarişie qeyd edib ki, sosialistlər parlament çoxluğunu əldə edə bilməsə, koalisiya variantı ortaya çıxacaq. Dodonun partiyasının kiminlə ittifaq quracağı hələ bəlli deyil.

Anar Miriyev




 
Bölməyə aid digər xəbərlər
25.06.2019
Qazaxıstanda yaşayan azərbaycanlılardan xeyriyyəçilik təşəbbüsü
25.06.2019
Robert Koçaryan yenidən həbs edildi
25.06.2019
Qazaxıstanda IV “Böyük Çöl” Beynəlxalq Humanitar Forumu keçirilib
25.06.2019
Ərdoğan: “Türkiyə S-400 zenit-raket komplekslərini iyul ayından almağa başlayacaq”
25.06.2019
“Ehtiyac içində yaşayan erməni xalqını artıq yalan vədlərlə aldatmaq mümkün deyil”

Şərh əlavə olunmayıb

    ,    
Tural Tağıyev
Namiq Əliyev
Fuad HÜSEYNZADƏ
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10815

1 Yeni naziri kollektivə Ramiz Mehdiyev təqdim etdi
2 Prezidentin Sərəncamı: 160 minə yaxın müəllimin orta aylıq maaşı 605 manat oldu
3 Əli Nağıyev DTX rəisi təyin edildi
4 Heydər Əliyev və bələdiyyələr
5 Tarix müəllimi Könül Əliyeva: “Əməkhaqqının artırılması bizim əməyimizə verilən böyük qiymət və dəyərdir”


25.06 22:21 Terror və ekstremizm müasir dünya üçün ən ciddi təhdidlərdəndir. Dünyanın bir çox ölkələrində din amilindən istifadə vətəndaş müharibələrinə, terror hadisələrinə, eyni dinə etiqad edən insanlar arasında qarşılıqlı nifrətə gətirib çıxarır. Hazırda dinlər və sivilizasiyalar arasında toqquşmalar XX əsrdə soyuq müharibə illərindəki ideoloji toqquşmanı əvəz edib. Bu fikirlər Dini Qurumlarla İş üzrə Dövlət Komitəsinin (DQİDK) və Şəki Şəhər İcra Hakimiyyətinin birgə təşkilatçılığı ilə iyunun 25-də Şəki şəhərindəki Heydər Əliyev Mərkəzində keçirilən “Müasir çağırışlar: dini durum və vəzifələr“ mövzusunda regional konfransda səsləndirilib. Dini Qurumlarla İş üzrə Dövlət Komitəsinin sədri Mübariz Qurbanlı çıxışında ölkəmizdə dövlət-din münasibətlərinin tənzimlənməsi, dini sahədə sabitliyə nail olunması, konfessiyalar arasında dözümlülük mühitinin qorunub saxlanılması istiqamətində görülən işlər barədə danışıb. Azərbaycanın dünyanın çox həssas bir bölgəsində yerləşdiyini bildirən Komitə sədri qeyd edib ki, bu bölgədə müxtəlif dünya dövlətlərinin maraqları üz-üzə gəlir, toqquşur. Müasir dünyanın özünəməxsus çağırışları olduğunu diqqətə çatdıran M.Qurbanlı bildirib ki, həmin çağırışlarla bağlı BMT dünyanın 20-dək problemini müəyyən edib. Onların içərisində demoqrafiya, ekologiya, nüvə müharibəsi təhlükəsi, müxtəlif sağalmaz xəstəliklərin yayılması, su çatışmazlığı, iqlim dəyişkənliyi ilə bağlı və digər problemlər ön sıralarda yer alır. Terrorizm və onun törətdiyi fəlakətlər də dünyanı narahat edən xüsusi problemlər sırasındadır. Bütün dövrlərdə terrorun olduğunu bildirən Komitə sədri vurğulayıb ki, indi terrorun da mahiyyəti dəyişib və terror müxtəlif formalarda təzahür edir: “Müasir terror orta əsrlərin terrorundan kəskin şəkildə fərqlənir. Müasir terror texnoloji nailiyyətlərdən yararlanır. Terror təhlükəsinin dünya problemləri, çağırışları içərisində yer tutması dinlə əlaqədar məsələləri də gündəmə gətirir. Çünki dindən həmin terror təşkilatlarında ideoloji vasitə kimi istifadə olunur. Biz bunu Yaxın Şərq ölkələrində, o cümlədən qeyri-islam ölkələrində görməkdəyik“. Bildirilib ki, indi terror törədilməsi zamanı hər hansı bir sosial ideya deyil, dini amil ortaya çıxır və bu amildən istifadə edərək kütləvi terror qırğınları törədilir. Bu terror hadisələri yalnız müsəlman ölkələrində deyil, digər ölkələrdə də baş verir. Ayrı-ayrı ölkələrdə bu terror əməlləri dindaxili deyil, dinlərarası terror kimi təzahür edir. Din amilindən terror vasitəsi kimi istifadə olunur. İslam dinindən terrorda istifadədə bir neçə məqsədin güdüldüyünü vurğulayan Komitə sədri deyib: “ Bu məqsədlərdən biri İslam daxilindəki məzhəblərarası qarşıdurmanı dərinləşdirməklə gənc nəsildə bir-birinə qarşı nifrət hissi oyatmaq və son nəticədə həmin İslam dövlətində bu məzhəblərarası qarşıdurmadan istifadə edərək ölkəni zəiflətmək, çökdürmək və dağıtmaqdır“. Azərbaycandakı nümunəvi dövlət-din münasibətlərindən söz açan M.Qurbanlı bu modelin dünyada rəğbətlə qarşılandığını deyib: “Ulu Öndərin dövlət-din münasibətləri sahəsində irəli sürdüyü ideyaların, dünyagörüşün, müdrik tövsiyələrin bu günün reallıqları kontekstində oynadığı müsbət rolu daha aydın görürük. Prezidentin rəhbərliyi ilə həyata keçirilən sosial-iqtisadi siyasət, əldə edilən uğurlar, ictimai-siyasi həyatdakı sabitlik din sahəsində də özünü göstərir“.
© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info