Sərhəd idarəçiliyi üzrə potensialın gücləndirilməsi istiqamətində görülən tədbirlər müzakirə edilib
Tarix: 21.11.2018 | Saat: 16:13:00 | E-mail | Çapa göndər


Polşa Respublikasının paytaxtı Varşava şəhərində Beynəlxalq Miqrasiya Təşkilatının həyata keçirdiyi "Şərq tərəfdaşlığı ölkələri üçün inteqrə edilmiş sərhəd idarəçiliyi üzrə potensialın gücləndirilməsi" layihəsinin yekun konfransı keçirilib.
Tədbirə Azərbaycan, Gürcüstan, Ukrayna, Belarus, Moldova, Ermənistan, eləcə də Avropa Komissiyası, Avropa İttifaqının üzv ölkələri və portnyor təşkilatlardan nümayəndələr qatılıb.
Konfransda Azərbaycan Respublikası nümayəndə heyətinin tərkibində Dövlət Gömrük Komitəsi Gömrük Nəzarətinin Təşkili və Ticarətin Asanlaşdırılması Baş İdarəsinin rəisi Səməd Qaralov və Ticarətin Asanlaşdırılması İdarəsinin rəisi Ceyhun Nəcəfli də iştirak ediblər.
Konfransda aidiyyəti portnyorların və tərəfdaşların interaktiv platforma ilə təmin edilməsi, qazanılmış nailiyyətlərin paylaşılması və gələcək fəaliyyətlə bağlı məsələlər müzakirə olunub.
Tədbir zamanı MDB üzv dövlətləri tərəfindən sərhəd idarəçiliyi üzrə potensialın gücləndirilməsinin tətbiqinə dair hesabat təqdim edilib, sözügedən layihənin effektiv şəkildə reallaşdırılması istiqamətində məhdudiyyət və çətinliklərin həlli istiqamətində görülən tədbirlər və digər məsələlər nəzərdən keçirilərək ölkələrin müvafiq məruzələri dinlənilib.
Öz növbəsində, Dövlət Gömrük Komitəsinin nümayəndəsi çıxış edərək inteqrasiya olunmuş sərhəd idarəçiliyi sahəsində təlim materiallarının hazırlanması, potensialın gücləndirilməsi, sərhədkeçmə və gömrük prosedurlarının sadələşdirilməsinə yönəlmiş tədbirlər barədə məlumat verib. Bildirilib ki, gömrük əməkdaşlarını inteqrə olunmuş sərhəd idarəçiliyi sahəsində Avropa İttifaqının üzv ölkələrinin təcrübəsinə əsaslanan bilik və bacarıqlarla təmin etmək məqsədilə vaxtaşırı təlim və seminarlar təşkil olunur. Həmçinin sərhədkeçmə prosedurlarının sadələşdirilməsi, sərhəd-keçid məntəqələrində beynəlxalq standartlara cavab verən infrastrukturun təşkili, ticarətin asanlaşdırılması mərkəzlərinin yaradılması üzrə işlərin aparıldığı, "elektron hökumət" portalında gömrük xidmətlərinin daim təkmilləşdirildiyi, səlahiyyətli iqtisadi operatorlar institutunun, "bir pəncərə" prinsipinin inkişaf etdirilməsi məqsədilə mütəmadi işlərin görüldüyü diqqətə çatdırılıb.
Eyni zamanda, 2017-2018-ci il tarixlərində həyata keçirilmiş Avropa İttifaqının (Aİ) Azərbaycandakı Nümayəndəliyinin dəstəyi ilə Dövlət Gömrük Komitəsinə Ümumi Tranzit Proseduru və Mallarla Ticarətdə Sənədləşmənin Sadələşdirilməsi konvensiyalarına üzv olma, eləcə də Avropa Yeni Kompüterləşdirilmiş Tranzit Sisteminə (NCTS) qoşulma
prosesi barədə məlumat verilib. Dövlət Gömrük Komitəsinin nümayəndəsi son dövrdə gömrük sahəsində həyata keçirilən köklü islahatlar, xüsusilə struktur dəyişikliyi, idxal-ixrac əməliyyatları üzrə görülən tədbirlər barədə də danışıb və yeni çağırışlara cavab verə biləcək kadrların hazırlanmasında, onların bilik və bacarıqlarının artırılmasında FRONTEX layihəsi çərçivəsində tərəfdaşlığın zəruriliyini diqqətə çatdırıb.

Tural




 
Bölməyə aid digər xəbərlər
15.06.2019
Heydər Əliyevin hakimiyyətə qayıdışı Azərbaycanın davamlı inkişafının əsasını qoydu
15.06.2019
İyunun 15-i xalqımızın bəlalardan qurtuluşunun carçısıdır
14.06.2019
Azərbaycanın bugünkü reallıqları Heydər Əliyev siyasətinin təntənəsi, milli qurtuluşun uğurlarıdır
14.06.2019
Bakıda dəhşət: Jurnalistin qızı və arvadı özünü 10-cu mərtəbədən atdı
14.06.2019
“Carlsberg Azerbaijan” ETSN qarşılıqlı anlaşma haqqında memorandum imzaladı

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10805

1 Naxçıvanda “Cavidşünaslıq” oncildliyinin təqdimatı olub
2 Rufiz Qonaqov: Xəzəryanı ölkələrin xalqları arasında dostluq və əməkdaşlıq platformaları əhəmiyyətlidir
3 “Aa.com.tr”: “2020-ci ilə qədər Azərbaycan qazının Avropa bazarlarına çatması gözlənilir”
4 Ermənilərin təyyarəmizi vurmaq cəhdi uğursuzluqla nəticələnib - VİDEO
5 Çilidə güclü zəlzələ olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info