Gəncənin yubileyi ilə bağlı inşa yazı müsabiqəsi
Tarix: 10.07.2013 | Saat: 22:07:00 | E-mail | Çapa göndər


Gəncə özünün 4 min illik yubileyini qeyd etməyə hazırlaşır. Bu məqsədlə keçirilən ümumşəhər yığıncağında yubileyə hazırlıqla bağlı görüləcək işlər ətraflı müzakirə edilib.
Yığıncağı açan Gəncə Şəhər İcra Hakimiyyətinin başçısı Elmar Vəliyev bu münasibətlə şəhər sakinlərini təbrik edib, yubiley tədbirlərinə hazırlığın əhəmiyyətindən danışıb. Azərbaycan Milli Elmlər Akademiyası Gəncə Bölməsinin direktoru Fuad Əliyev çıxış edərək yubileyə hazırlıqla əlaqədar görüləcək işlər barədə geniş məlumat verib. Qeyd edilib ki, qədim Nizami yurdunun 4 min illik yubileyi ilə əlaqədar UNESKO-nun baş direktoru İrina Bokovanın Gəncəyə ünvanladığı təbrik məktubu bütün şəhər sakinlərinin sevincinə səbəb olub. Uzun illər müəmmalı olan Gəncənin həqiqi yaşının dəqiqləşdirilməsi bu gün real şəkildə elan edilib və onun həqiqətən, 4 min il olduğu müəyyənləşdirilib. Buna görə də yubiley tədbirlərinə çox ciddi şəkildə hazırlıq nəzərdə tutulub.
Tərtib edilmiş tədbirlər planına əsasən, şəhərdə böyük tərtibat işləri görülməli, dəyirmi masalar, ümumşəhər iməcilikləri keçirilməli, şəhərin girişində inşa edilmiş qala kompleksində arxeoloji və etnoqrafik muzey yaradılmalı, bayram konsertləri təşkil edilməlidir. Eyni zamanda, ali və orta ixtisas məktəblərində inşa yazı müsabiqələri keçirilməli, Gəncəyə aid yeni monoqrafiya nəşr olunmalı, şəhərin tarixinə aid kataloq hazırlanmalı, yeni turizm marşrutları tərtib edilməli, ən mühüm tarixi abidələrin bukletləri hazırlanmalıdır. Dünya kitabxanalarında və arxivlərində Gəncə ilə bağlı saxlanan əlyazma və xəritələrin surətləri Azərbaycana gətirilməli, musiqi və şer müsabiqələri təşkil edilməlidir.
Yığıncaqda yubiley komissiyasının tərkibi təsdiq edilib, tədbirlər planı müzakirə edilərək qəbul olunub, yubileyin keçirilməsi üçün işçi qrupu yaradılıb. Yubiley tədbirlərində xarici ölkələrdən dəvət olunacaq qonaqların iştirakı ilə beynəlxalq elmi-praktik konfransın keçirilməsi də nəzərdə tutulub. Sonra şəhər ziyalılarından Sədnik Paşayev, Məmməd Məmmədov, Tofiq Xəlilov, Sənan Hacıyev, Samir Pişnamazzadə və başqaları çıxış edərək Gəncənin həqiqi tarixinin müəyyənləşməsinə xüsusi diqqət və qayğı göstərən Azərbaycan Prezidentinə minnətdarlıqlarını bildiriblər.
Nigar Gəncəli




 
Bölməyə aid digər xəbərlər
19.03.2019
Məcburi köçkün qəsəbələrində Novruz şənlikləri keçirilib
19.03.2019
Qaradağda bayram münasibəti ilə aztəminatlı ailələrə yardım edilib
18.03.2019
Müharibə əlilləri və onlara bərabər tutulanlar üçün bu il əlavə 400-dən çox avtomobil alınıb veriləcək
18.03.2019
Övladlığagötürmə ilə bağlı yeni Qaydaların layihəsi hazırlanır
18.03.2019
Aprelin 1-dən yaşa görə müavinətlər 80 faizə yaxın artırılacaq

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10699

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
3 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 Yuliya Naçalova vəfat edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info