ABŞ Əfqanıstandan çıxmaq üçün nəyi gözləyir?
Tarix: 31.12.2018 | Saat: 14:41:00 | E-mail | Çapa göndər


Tramp rəhbərliyinin Suriyadan çəkilmə qərarından sonra Əfqanıstandakı 14 mindən çox əsgər sayını da yarıya endiriləcəyi xəbərləri rəsmi Vaşinqtonda böyük müzakirələrə səbəb olub.

Amerika Birləşmiş Ştatlarının prezidenti Donald Trampın Əfqanıstandakı əsgər sayını yarıya endirmə qərarı verdiyinə istiqamətli xəbərlərdən az qala iki həftə keçdi, ancaq bu mövzuda rəsmi bir təlimat hələ Müdafiə Nazirliyinə (Pentaqon) verilməyib.
Tramp rəhbərliyinin Suriyadan çəkilmə qərarından sonra Əfqanıstandakı 14 mindən çox əsgər sayını da yarıya endiriləcəyi xəbərləri rəsmi Vaşinqtonda böyük müzakirələrə səbəb olub. Belə ki, Dövlət Departamenti Əfqanıstan üçün hələ rəsmi bir addım atmayıb.
Müdafiə Nazirliyi məsələ ilə əlaqədar bildirib: "Əfqanıstanda qoşun sayını azaltmaq üçün imzalı təlimat yoxdur".
Pentaqonun sözçüsü podpolkovnik Kone Faulkner isə belə bir yazılı açıqlama verib:
“Talibanla sülh danışıqları davam edir. Əsgərlərin sayı və statusu ilə əlaqədar bütün variantları qiymətləndiririk. Hansı qüvvələrin geri çəkiləcəyi bəlli deyil.
Əfqanıstan ordusunun manevr qabiliyyəti, hava qüvvələrinin əməliyyat qabiliyyəti mühüm dərəcədə inkişaf edib. Təyyarə və vertolyotların sayı 152-yə yüksəlib.
Ölkədə fəaliyyət göstərən terror təşkilatlarına qarşı Əfqanıstan ordusu əhəmiyyətli irəliləyişlər əldə edib.
NATO missiyası Əfqanıstan ordusunda 20 min xüsusi təyinatlı qüvvəyə təlim keçib.”
Ağ Ev Milli Təhlükəsizlik Şurasının sözçüsü Qarret Marquis də Əfqanıstandakı əsgərlərin bir qisminin geri çəkilməsinə dair hələ rəsmi bir qərarın olmadığını söyləyib, hətta Amerikanın “Bloomberg” televiziyasına belə deyib: “ABŞ prezidenti hələ Əfqanıstandakı qüvvələrin sayını azaltmağı qərara almayıb və Müdafiə Nazirliyinə Əfqanıstandan qoşunların çıxarılmasını tapşırmayıb".
Xatırladaq ki, əvvəlki ABŞ prezidenti Barak Obama Əfqanıstandan tədricən geriçəkilmə strategiyası ilə ölkədəki əsgər sayını 9800-ə endirmişdi. 2017-ci ilin sonuna qədər ABŞ bu rəqəmi 5500-ə çatdırmaq niyyətində idi. 2016-cı il prezident seçkilərini qazanan Donald Tramp isə çəkilmə prosesini dayandırdı və Pentaqonun Əfqanıstan üçün bir iddia hesabatı hazırlamasını istədi. Tramp rəhbərliyi Pentaqon hesabatı üzərində 2017-ci ilin avqustunda Cənubi Asiya Strategiyasını açıqladı və burada ABŞ-ın Əfqanıstandan çəkilmə prosesinin şərtlərə bağlı olacağını bildirdi. Üstəli D.Tramp Əfqanıstanda ABŞ hərbi qüvvələrinin sayını 9800-dən 14,000-ə qaldırdı.
Əli




 
Bölməyə aid digər xəbərlər
15.08.2020
Həsən Ruhani Azərbaycana təyin edilmiş yeni səfirlə görüşüb
15.08.2020
Tehranda yaşayış evində partlayış olub, xəsarət alanlar var
14.08.2020
Dünyada koronavirusa yoluxanların sayı 21 milyon nəfəri ötüb
14.08.2020
Beyrutda baş verәn partlayış zamanı hәyatını itirәnlәrin sayı 177 nәfәrә çatıb
14.08.2020
Türkiyә prezidenti Yunanıstana Şәrqi Aralıq dәnizi ilә bağlı reaksiya göstәrib

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11586

1 Leyla Abdullayeva: Ermənistan bəzi Yaxın Şərq ölkələrindəki erməni əsilli əhalinin Azərbaycanın beynəlxalq tanınmış Dağlıq Qarabağ və ətraf bölgələrində qanunsuz məskunlaşdırılması cəhdlərinə əl atır
2 Tanınmış şair Cəlal Qurbanov: “Sənin önündə əyilirəm Xanlar əmim”
3 Sabahdan Rusiyadan Türkiyənin turizm mərkəzlərinə aviareyslər başlayır
4 Almaniyada həşəratların qorunması haqqında qanun layihəsi
5 Hikmət Hacıyev: “Qanunsuz rejimi “azad ölkə” kimi tanıyan Ermənistanın yeni Milli Təhlükəsizlik Strategiyası danışıqlara vurulmuş ağır zərbədir”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info