Daha hesabatlara inanmırıq
Tarix: 17.07.2013 | Saat: 22:28:00 | E-mail | Çapa göndər


Musa Qasımlı: “Başqa ölkənin ərazisini işğal edən, milyondan çox əhalisini məcburi köçkünə çevirən Ermənistanla demoktratiya arasında nə qədər məsafə var?”

Qərəzli hesabatları ilə dünya gündəminə gəlməyə çalışan “Freedom House” təşkilatı iyulun 16-da dünyada azadlıqların vəziyyəti haqqında illik hesabat yayımlayıb. Qurum yenə öz ampluasına “sadiq” qalaraq Azərbaycan ictimai-siyasi həyatında baş verən prosesləri cidd-cəhdlə təhrif edib. Hesabatda guya Azərbaycanda insan haqlarının pozulması ilə bağlı müddəalar yer alıb. Amma bunun qarşılığında guya Ermənistanda sözügedən sahədə xeyli irəliləyişlər olduğu, “namizədlərin seçkiqabağı resurslara və KİV-ə bərabər çıxışına böyük əhəmiyyət verən yeni seçki qanunvericiliyinə uyğun olaraq parlament seçkiləri” keçirildiyi iddia edilib.
Məlum olduğu kimi, Azərbaycanda “demokratiyanın olmaması” ilə bağlı mövqe sırf Ermənistan mövqeyidir. Hazırda Dağlıq Qarabağ münaqişəsi ilə bağlı olaraq Ermənistan və erməni lobbisi Azərbaycanın beynəlxalq imicinə xələl gətirmək üçün belə bir propoqanda aparmaqdadır. Bu baxımdan “Freedom House”un mövqeyi ilə erməni lobbisinin mövqeyi yüzə yüz üst-üstə düşür. Bu isə sözügedən qurumun antiazərbaycan mövqelərdən məqsədli olaraq çıxış etdiyini büruzə vermiş olur.

“Freedom House”un mövqeyi ilə erməni lobbisinin mövqeyi yüzə yüz üst-üstə düşür

Ümumiyyətlə, bu təşkilat yaranma məqsədi və funksiyası bəlli bir qurumdur. Bu qurum söz azadlığı, demokratiya, insan haqları ilə bağlı problemləri araşdırıb ortaya obyektiv hesabat qoymaq üçün yaradılmayıb. Bu cür qurumların əsas məqsədi müstəqil inkişaf yolu tutmuş, milli dövlətçiliyə əsaslanan, xarici dairələrin sifarişləri ilə durub-oturmayan dövlətlərə qarşı təzyiq göstərmək, həmin dövlətlərlə bağlı hər şeyi "problemli" kimi qələmə verməkdir. Bu gün bəzi xarici dairələr də hazırkı informasiya savaşı əsrində bu cür təşkilatların qərəzdən doğan və müəyyən məqsədlərə - müstəqil dövlətləri təzyiqlə çökdürmək məqsədlərinə hesablanmış hesabatlarından bol-bol yararlanmağa çalışırlar.
“Freedom House” kimi qurumlar bu gün insan haqları, söz azadlığı, demokratiya məsələlərində gerçəklikləri kobudcasına təhrif edirlər, onlar bu məsələlərlə bağlı dünya ictimaiyyətində, beynəlxalq rəydə düzgün qənaətin, ədalətli münasibətin formalaşmasına ciddi əngəllər törədirlər. Məsələn, qurum iddia edir ki, guya Ermənistan insan haqları və demokratiyada bizdən irəlidədir. Halbuki Ermənistan bu gün dünyada dövlət kimi qəbul olunmur. Bu ölkə faktiki müstəqilliyini itirərək Rusiyanın nəzarəti altına düşüb, forpost statusu daşıyır. “Dövlət”in idarəçiliyi ilə bağlı qərarlar Rusiya tərəfindən verilir. Bu dövlətdə insan haqları və demokratiya ilə bağlı vəziyyət ən acınacaqlı səviyyədədir, işsizlik, yoxsulluq, seçki saxtalaşdırmaları və sair məhrumiyyətlər, antidemokratik xarakterisikalar bugünkü Ermənistan reallıqlarıdır. Amma həmin qərəzkar qurum bunları görmək istəmir və Ermənistanı “insan haqları sahəsində tərəqqi edən” ölkə kimi təqdim edir. Elə bu cür yalançı hesabatlara görə də “Freedom House” qurumuna heç kim inanmır. Bu qurumun hesabatlarına Azərbaycanda orta statistik insanlar da inanmırlar, bu qurumu antiazərbaycan və erməni lobbisinin maliyyəsinə uğrayan qurum kimi qəbul edirlər.
“Palitra”ya bu barədə fikirlərini bildirən millət vəkili, tarixçi alim Musa Qasımlı belə qeyd etdi: “Freedom House” və digər bir neçə təşkilatın demokratiya məsələsində Ermənistanla Azərbaycanı müqayisə etməyə çalışmasının heç bir əsası yoxdur. Bu cür müqayisələr həmin qurumların qərəzli mövqeyini açıb göstərir. Faktiki olaraq belə çıxır ki, hesabatı hazırlayanlar üçün parlament iclasında deputatların güllələnməsi “demokratiyadır”. Daha nəzərə almırlar ki, başqa ölkənin ərazisini işğal edən, milyondan çox əhalisini məcburi köçkünə çevirən Ermənistanla demoktratiya arasında nə qədər məsafə var. Bu hesabat ciddi mənbələrə və faktlara, obyektivliyə əsaslanmır”.
Millət vəkili bildirdi ki, hesabat Azərbaycandan nəyisə qoparmaq istəyən qüvvələrin qərəzli mövqeyinə əsaslanır.
İlkin AĞAYEV




 
Bölməyə aid digər xəbərlər
05.06.2020
Almaniya Dağlıq Qarabağ münaqişəsinin sülh yolu ilə həlli üzrə səyləri dəstəkləyir
05.06.2020
“Prezidentin çıxışı siyasi və tarixi cəsarət idi”
03.06.2020
Prezident İlham Əliyevdən xəritəyə görə icra başçısına irad: Sisyanın əsl adı Qarakilsədir. Ona görə bunu pozun və Qarakilsə yazın
03.06.2020
Azərbaycan hərbçiləri Moskvada keçiriləcək hərbi paradda iştirak edəcək
03.06.2020
Yüksək texnoloji cəmiyyətin müsbət tərəflərindən savayı kəskin mənfi tərəfləri də mövcuddur

Şərh əlavə olunmayıb

    ,    
Tural TAĞIYEV
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11532

1 Badımcan sırdağı - VİDEO
2 ATƏT Parlament Assambleyasının sədri Prezident İlham Əliyevi təbrik edib
3 “Tez bir zamanda mükəmməl təhsil sisteminə malik dövlətlərdən biri olacağıq”
4 “Ali Baş Komandan Azərbaycan Ordusunun döyüş qabiliyyətini yüksək qiymətləndirir”
5 Möcüzələr adası və bir az da vahiməli məkan-VİDEO


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info