Demokratiyanın tələbləri
Tarix: 23.01.2019 | Saat: 20:29:00 | E-mail | Çapa göndər


Məlum olduğu kimi, bir neçə gün öncə müxalifət icazəli mitinq keçirdi. Müxalifət nümayəndələri cəmi bir stadion qədər adam yığa bildikləri “Məhsul mitinqi”ni internet resurslarında, sosial şəbəkələrdə, az qala, şəksiz qələbə kimi təqdim edirlər. Əslində isə hər kəsə gözəl bəllidir ki, mitinq xaotik şəkildə təşkil olundu, təşkilatçılıq zəif idi, tribunaya çıxan Azərbaycan Xalq Cəbhəsi Partiyasının (AXCP) rəhbəri Əli Kərimli və digərləri Mehman Hüseynovdan çox, özlərinə sərf edən məsələlər barədə söhbət açdılar. Əli Kərimli, hətta mitinqdən sonra bir neçə gündür yalan dolu məlumatlar da paylaşmağa başlayıb ki, guya, aksiyaya 20 min adam gəlib və s. Əslində, bu mitinq “milli şura”nın bundan əvvəl keçirdiyi aksiyalardan bir qədər fərqləndi. Fərq isə onda idi ki, indi mitinqə çağırış üçün Mehman şousundan istifadə etdilər. Həmçinin REAL Partiyası da ilk dəfə aksiyaya dəstək verdi. Amma yalandan insanları aldadaraq demək ki, guya, mitinq 20 minə yaxın adamla təşkil olunub, bu, artıq cəmiyyəti aldatmaq idi. Sosial şəbəkələr üzərindən öz təbliğatlarını quran bu radikal siyasi qüvvələr, əsasən, dünyagörüşü , 90-cı illər haqqında təsəvvürü olmayan gəncləri öz tərəflərinə çəkmək istəyirlər. Bunun üçün isə bu cür yalanlardan geninə-boluna istifadə edirlər. Əli Kərimlinin yalan maşını da var. Bu, “Azadlıq” qəzetinin “Facebook”dakı səhifəsi və ABŞ-da yaşayan Sevinc Osmanqızıdır. Bir hadisə olmamış Əli Kərimli ilə canlı bağlantıya çıxıb onun populist çıxışlarını daha çox yayan, təbliğ edən bu səhifələr Azərbaycana zərbə vurduqlarını düşünürlər və bu cür neqativ “dəstəklərlə” Əli Kərimlini cəmiyyətə “qəhrəman” kimi təqdim edirlər. Əlbəttə, müxaliflik, fərqlilik, alternativ fikir rəqabətdir. Amma düşmənçiliyi müxalifliyə gətirən bu qüvvələr milli maraqlarımızı, sabitliyi, xalqın arzu və istəklərini zərrə qədər də düşünmürlər. İş o yerə çatıb ki, müxalifət rəhbərləri növbəti mitinqə icazə veriləcəyi təqdirdə, insanların aksiyaya bir saat tez gəlmələri ilə bağlı çağırışlar edirlər. Maraqlıdır, özgə vaxtı Azərbaycanda “demokratiya yoxdur” deyənlər heç bir aksiyada təyin olunmuş, icazə verilmiş vaxtdan qabaq kütləni toplamağa çalışmırdılar. Bəs niyə indi qaydalara, qanunlara zidd addımlar atmaq istəyirlər? Konkret olaraq Əli Kərimli status paylaşaraq yazıb ki, növbəti mitinqə saat 13-00-dan gəlmək lazımdır. Guya, çöldə qalan adamların gec gəlməsi stadiona buraxılmamasına səbəb olub. Qısası, artıq Əli Kərimli eyforiyaya qapılmağa başlayıb, 90-cı illərdə olduğu kimi, necə gəldi aksiya keçirmək xəyalına düşür, icazə verilən vaxtdan tez kütləni bir yerə toplamaq, beləcə, polislə kütlə arasında qarşıdurma yaranmasına şərait yaratmağa çalışır. Qanun var, qayda var... Aksiya keçirilirsə, ənənəvi qaydada icazə verilmiş məkanda və vaxtda tərəfdarlarınızı toplaya bilərsiniz. Onsuz da hər mitinqdən sonra məlum olur ki, “milli şura” tərəfdarları ayrı-ayrı qruplar halında stadiondan kənarda müəyyən şüarlar səsləndirir, ictimai asayişi pozan hərəkətlərə yol verilir və s. Bu cür hərəkətlərin isə demokratik mübarizə üsullarına heç bir aidiyyəti yoxdur. Elə demokratiyanın əsas tələblərindən biri də vətəndaşların ictimai asayişinin təmin edilməsidir. İndiki halda isə Əli Kərimlinin insanları belə tez, vaxtından əvvəl bir yerə toplayıb, icazə verilən vaxtdan əvvəl aksiyanın başlamasına cəhd eləməsi polislə kütlə arasında təxribat yaratmağa hesablanmış addım kimi də dəyərləndirilə bilər. Bir sözlə, Əli Kərimli və tərəfdarları nəinki yalan dolu məlumatlar yayaraq kütləni çaşdırmağa, ictimai fikrə mənfi yöndən təsir etməyə çalışır, hətta onlar hiyləgərcəsinə davranaraq təxribat xarakterli çağırışlar da edirlər. Çünki xaos daim müxalifətin fəaliyyətinin əsas təməl prinsipi olub!
Tural Tağıyev




 
Bölməyə aid digər xəbərlər
12.06.2019
Vardan Bostançıyan: «Dövlət borclarının artması Ermənistan üçün son dərəcə təhlükəlidir»
08.06.2019
Ermənistan hakimiyyəti evləri uçan kəndlilərə vədlər verməkdədır
04.06.2019
“ArmenianReport”: “Paşinyan hakimiyyəti Kremli qane etmir”
27.05.2019
Britaniya səfiri: “Azərbaycan beynəlxalq tədbirlərin keçirilməsində kifayət qədər geniş təcrübəyə malikdir”
14.05.2019
İdman turizmi: beynəlxalq idman yarışları ölkəyə turist axını yaradır

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10806

1 Naxçıvanda “Cavidşünaslıq” oncildliyinin təqdimatı olub
2 “Aa.com.tr”: “2020-ci ilə qədər Azərbaycan qazının Avropa bazarlarına çatması gözlənilir”
3 Rufiz Qonaqov: Xəzəryanı ölkələrin xalqları arasında dostluq və əməkdaşlıq platformaları əhəmiyyətlidir
4 Ermənilərin təyyarəmizi vurmaq cəhdi uğursuzluqla nəticələnib - VİDEO
5 Bakı Atatürk Liseyində məzun günü münasibəti ilə tədbir keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info