“Dövlətimizin iqtisadi gücü artır”
Tarix: 05.02.2019 | Saat: 20:06:00 | E-mail | Çapa göndər


Rəşid Məmmədov: “Müstəqil Azərbaycan əldə etdiyi sosial-iqtisadi uğurlara görə dünya birliyi sistemində siyasi kursu nəzərə alınan ölkəyə çevrilib”

Bu gün Azərbaycan hakimiyyətinin həyata keçirdiyi uğurlu siyasət, aparılan islahatlar nəticə etibarilə bütün təbəqələrdən olan vətəndaşların sosial müdafiəsinin daha da yaxşılaşdırılmasına xidmət edir. Həmçinin Azərbaycan iqtisadiyyatının sürətli və dinamik inkişafı ölkəmiz haqqında beynəlxalq arenda müsbət imic qazandırıb. Prezident İlham Əliyev öz çıxışlarında bu barədə dəfələrlə fikirlərini bildirib. Azərbaycan Gəncləri Gününə həsr olunmuş respublika toplantısında Prezident İlham Əliyevin deyib ki, Azərbaycan xarici siyasətlə bağlı nümunəvi ölkə sayıla bilər: “Bizim xarici siyasətimiz daxili siyasətimizin məntiqi davamıdır. Uğurlu xarici siyasət aparmaqla biz özümüzü mümkün olan xarici risklərdən qoruyuruq və buna nail oluruq. Bəzən bizim xarici siyasətimizi tarazlaşdırılmış siyasət kimi qələmə verirlər. Ancaq mən hesab edirəm ki, bizim xarici siyasətimiz milli maraqlar üzərində qurulub. Milli maraqlar diktə edir ki, biz bütün ölkələrlə işgüzar, bərabərhüquqlu, bir-birinin işinə qarışmamaq şərti ilə münasibətlər quraq və qurmuşuq - qonşularımızla, İslam Əməkdaşlıq Təşkilatına üzv ölkələrlə, eyni zamanda, Avropa ölkələri ilə. Yəni, biz buna nail ola bilmişik, eyni zamanda, öz milli maraqlarımızı həmişə lazımi səviyyədə qoruyuruq və qoruyacağıq. Bizim dünyadakı rolumuzu və bizə olan münasibəti əks etdirən çox parlaq bir nümunə var. Bir neçə il bundan əvvəl Azərbaycan 155 ölkənin dəstəyi ilə BMT Təhlükəsizlik Şurasına üzv seçilmişdir. Yəni, bu da beynəlxalq aləmin mütləq əksəriyyətidir. Azərbaycana göstərilən hörmət, rəğbət, dəstək bu səsvermədə özünü büruzə verdi”.
Bu kimi uğurlar xaricdəki soydaşlarımızı da sevindirir. "QALA" Yunanıstan-Azərbaycan Dostluq Cəmiyyətinin sədri Rəşid Məmmədov özəl olaraq “Palitra”ya bildirdi ki, bu gün Azərbaycan beynəlxalq aləmdə çox böyük hörmətə layiq olan ölkə kimi tanınır: “Çox aydın şəkildə görünür ki, dövlətimiz ardıcıl inkişaf yolunda əzmlə irəliləyir. Beynəlxalq arenada siyasi və iqtisadi böhranların davam etdiyi dönəmdə ölkəmizdə tam ictimai-siyasi sabitlik hökm sürür, dövlətimizin iqtisadi gücü, insanların sosial rifahı yüksəlir. Ölkəmizdə keçirilmiş böyük tədbirlər Azərbaycanın dünyadakı rolunu, inkişafını, ölkəmizə beynəlxalq aləmin, aparıcı dövlətlərin hörmətini, rəğbətini göstərir”.
Rəşid Məmmədov bildirdi ki, bu gün müstəqil Azərbaycan əldə etdiyi sosial-iqtisadi uğurlara görə dünya miqyasında liderlər mövqeyinə yüksələn, dünya birliyi sistemində siyasi kursu nəzərə alınan ölkəyə çevrilib: “Azərbaycan beynəlxalq əhəmiyyətli tədbirlərin keçirildiyi məkana çevrilib. Azərbaycanın iqtisadi inkişafının, mədəniyyətinin dünyada tanıdılması məqsədi ilə ölkəmiz bir çox beynəlxalq sərgilərdə, forumlarda iştirak edir və bu da bizim beynəlxalq nüfuzumuzu artırır”.
Fuad Hüseynzadə






 
Bölməyə aid digər xəbərlər
12.06.2019
Vardan Bostançıyan: «Dövlət borclarının artması Ermənistan üçün son dərəcə təhlükəlidir»
08.06.2019
Ermənistan hakimiyyəti evləri uçan kəndlilərə vədlər verməkdədır
04.06.2019
“ArmenianReport”: “Paşinyan hakimiyyəti Kremli qane etmir”
27.05.2019
Britaniya səfiri: “Azərbaycan beynəlxalq tədbirlərin keçirilməsində kifayət qədər geniş təcrübəyə malikdir”
14.05.2019
İdman turizmi: beynəlxalq idman yarışları ölkəyə turist axını yaradır

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10806

1 Naxçıvanda “Cavidşünaslıq” oncildliyinin təqdimatı olub
2 “Aa.com.tr”: “2020-ci ilə qədər Azərbaycan qazının Avropa bazarlarına çatması gözlənilir”
3 Rufiz Qonaqov: Xəzəryanı ölkələrin xalqları arasında dostluq və əməkdaşlıq platformaları əhəmiyyətlidir
4 Ermənilərin təyyarəmizi vurmaq cəhdi uğursuzluqla nəticələnib - VİDEO
5 Bakı Atatürk Liseyində məzun günü münasibəti ilə tədbir keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info