Bakının mərkəzində inşa edilən metrostansiyanın açılma vaxtı bilindi
“Şərti adı “B3” olan metro stansiyasının tikintisi başa çatdırılıb və hazırda tamamlanma işləri qalıb ki, bu işlər gələn ilin ortalarında aparılacaq”. “APA-Economics”in məlumatına görə, bunu jurnalistlərə açıqlamasında "Bakı Metropoliteni" QSC-nin baş mühəndisi Əlixan Osmanov deyib. Onun sözlərinə görə, bu stansiyadan sonra yeni olan “Bənövşəyi xətt” üzrə işlər aparılacaq ki, onun bir tərəfi Xocahəsən qəsəbəsində, digər tərəfi isə Qaraçuxur qəsəbəsində olacaq. “Bu xətt 12 stansiya və 1 depodan ibarətdir. Sözügedən xətt üzrə 3 stansiyasının, demək olar ki, tikintisi başa çatdırılıb. Dördüncü, şərti adı “B-04” olan stansiyanın, və “Depo Xocahəsən”in tikintisi davam etdirilir. Bu sxem üzrə "Bənövşəyi xətt" Qaraçuxur qəsəbəsinədək çatdırılacaq", - deyə Ə. Osmanov qeyd edib.

Xəbər 173 dəfə oxundu.