“Beynəlxalq koalisiyanın “İŞİD”ə qarşı mübarizə planı qeyri-müəyyəndir”
İran beynəlxalq koalisiyanın “İŞİD”ə qarşı mübarizə planını qeyri-müəyyən adlandırır. “Reuters”in xəbərinə görə, bunu İran Xarici İşlər Nazirliyinin sözçüsü Mərziyə Əfham jurnalistlərin suallarını cavablandırarkən deyib.
“NATO-nun Uelsdəki sammitindən sonra “İŞİD”ə qarşı yaradılan beynəlxalq koalisiyanın mübarizə planında ciddi qeyri-müəyyənliklər var. Bu koalisyanın terrorizmə qarşı mübarizə aparmaq niyyəti şübhəli görünür” - deyə o, vurğulayıb. Əfham həmçinin koalisiyaya üzv bəzi ölkələri Suriya və İraqda terrorçulara dəstək verməkdə ittiham edib. Bununla belə, o, ABŞ prezidenti Barak Obamanın “İŞİD”ə qarşı mübarizə planına münasibət bildirməyib.

Xəbər 235 dəfə oxundu.