Şanxay Əməkdaşlıq Təşkilatı ölkələrinin baş qərargah rəisləri Moskvada iclas keçirəcəklər


Rusiya Federasiyasının Müdafiə Nazirliyinin yaydığı məlumatda bildirir ki, Rusiya Silahlı Qüvvələri Baş Qərargahının rəisi – müdafiə nazirinin birinci müavin Valeri Gerasimov çərşənbə axşamı Moskvada Şanxay Əməkdaşlıq Təşkilatına (ŞƏT) üzv dövlətlərin silahlı qüvvələrinin baş qərargah rəislərinin müşavirəsini keçirəcək.

AZƏRTAC TASS informasiya agentliyinə istinadla xəbər verir ki, müşavirədə təşkilata üzv dövlətlərin hamısının (Hindistan, Qazaxıstan, Çin, Qırğızıstan, Pakistan, Rusiya, Tacikistan və Özbəkistan), habelə Belarus Respublikasının (müşahidəçi ölkə), ŞƏT regional antiterror strukturunun icraiyyə komitəsinin və katibliyinin nümayəndələri iştirak edəcəklər.
Baş qərargah rəisləri, həmçinin Rusiya Mərkəzi Hərb Dairəsinin ərazisində keçirilən “Sülh missiyası-2018” birgə hərbi antiterror komanda-qərargah təliminin fəal fazasını müşahidə edəcəklər.

Xəbər 102 dəfə oxundu.