Azərbaycan idmançısı birinci yerin və kubokun sahibi olub

Gürcüstanın paytaxtı Tbilisidə keçirilmiş atçılığın konkur növü üzrə “CSI1*-W” kateqoriyalı beynəlxalq turnir başa çatıb.
Azərbaycan Respublikası Atçılıq Federasiyasından AZƏRTAC-a bildiriblər ki, turnirin final mərhələsində maneələrin hündürlüyü 140-160 santimetr olan yarışda idmançımız Seyid Musayev “Concorde 57” ləqəbli atla birinci yerin və kubokun sahibi olub.
Digər təmsilçimiz Yahor Morotski isə “Astrello” ləqəbli atla ikinci yeri qazanıb. Gürcüstan idmançısı Şalva Qaçeçiladze isə üçüncü yerdə qərarlaşıb.

Xəbər 64 dəfə oxundu.